बलसागर भारत होवो

            बलसागर भारत होवो

 बलसागर भारत होवो, विश्वात शोभुनी राहो ॥धृ०॥ हे कंकण करी बांधियले, जनसेदे जीवन दिधले राष्ट्रार्थ प्राण हे उरले, मी सिद्ध मरायला हो ॥१॥ वैभवी देश चढवीन, सर्वस्व त्यास अपन हा तिमिर घोर संहारिन, या बंधू साहाय्याला हो ॥२॥ हातात हात घेऊन, हृदयास हृदय जोडून ऐक्याचा मंत्र जपून, या कार्य करायला हो ॥३॥ करी दिव्य पताका घेऊ, प्रिय भारत गीते गाऊ विश्वात पराक्रम दावू, ही माय निजपदा लाहो ॥४॥ या उठा करू हो शर्थ, संपादुं दिव्य पुरुषार्थ हे जीवन ना तरि व्यर्थ, भाग्यसूर्य तळपत राहो ॥५॥ ही माय थोर होईल, वैभवे दिव्य शोभेल जगतास शांति देईल, तो सोन्याचा दिन येवो ॥६॥ -साने गुरुजी