दहावी मराठी ११. गोष्ट अरुणीमाची

११. गोष्ट अरुणीमाची

कृती १ : (आकलन कृती)

• पुढील कृतींतून व्यक्त होणारे अरुणिमाचे गुण लिहा :

(i) चोरांना लाथाबुक्क्यांचा प्रसाद दिला.

- धाडसी वृत्ती

------------------------------------------

(ii) भाईसाब यांनी दिलेला सल्ला अरुणिमाने शिरोधार्य मानला.

- वडीलधाऱ्या व्यक्ती चा आदर

--------------------------------------------------

कृती २ : (आकलन कृती)

(१) आकृती पूर्ण करा :

• अरुणिमाचा ध्येयवादी दृष्टिकोन स्पष्ट करणाऱ्या कृती

- फूटबॉल व व्हॉलीबॉल या खेळांची नॅशनल चॅम्पियनशिप मिळवली.

- खेळाशी जोडलेली राहण्यासाठी CISF मध्ये नोकरी मिळवण्याचा प्रयत्न केला.

-----------------------------------------

कृती २ : (आकलन कृती)

(१) कोण ते लिहा :

(iii) फूटबॉलची व व्हॉलीबॉलची नॅशनल चॅम्पियन

- आरुणिमा

----------------------------------

(iv) सर्वांत मोठा मोटिव्हेटर

- स्व:च

--------------------------------------

(vii) एव्हरेस्ट सर करणारी पहिली महिला

- बचेंद्री पाल

--------------------------------

(viii) अरुणिमाच्या कुटुंबातील महत्त्वाचे निर्णय घेणारे

- भाईसाब

-------------------------------------

(२) अरुणिमाविषयी उठलेल्या पुढील अफवांबद्दल तुमचं प्रतिक्रिया लिहा :

(i) शरीराला जखमा झाल्यामुळे बहुधा अरुणिमाच्या डोक्यावर परिणाम झालेला दिसतोय.

- समाजातील बहुसंख्य लोक मनाने दुबळे असतात. त्यामुळे अरुणिमाच्या अपार धाडसावर विश्वास बसत नाही. शरीरावर झालेल्या आघातामुळे तिचा मानसिक तोल ढळून वेडाच्या भरत तिच्या हातून असे कृत्य घडले असावे, अशी शंकाही अनेकांच्या मनात आली असणार.

----------------------------------------------------

(ii) अरुणिमाकडे प्रवासाचे तिकीट नव्हते, म्हणून तिने रेल्वेतून उडी मारली.

- अरुणिमाने तिकीट काढले नसणार. त्यामुळे टी.सी.च्या नजरेतून सुटण्याच्या प्रयत्नात तिने गाडीतून उडी मारली असावी, अशी शंका काही जणांना येते. अलीकडे प्रामाणिकपणावरील, सज्जनपणावरील समाजाचा विश्वास डळमळीत झाला आहे. त्यामुळे कोणाच्याही चांगल्या कृतीतून वाईट अर्थ काढण्याची सवय समाजाला लागली आहे, हेच या प्रतिक्रियेवरून दिसून येते.

------------------------------------------------------

कृती ४ : (स्वमत / अभिव्यक्ती)

• (१) 'प्रत्येकामध्ये एक जिद्दी अरुणिमा असते,' याबाबतचे तुमचे विचार स्पष्ट करा.

उत्तर: खरे सांगायचे तर कोणीही शिवाजी महाराज बनू शकत नाही, लोकमान्य टिळक बनू शकत नाही किंवा डॉक्टर बाबासाहेब आंबेडकरसुद्धा बनू शकत नाही. त्यांच्याइतकी उंची गाठणे कोणालाही शक्य नाही. कारण त्या महान विभूती होत्या.

मग आपण काहीही करायचे नाही काय ? आपण काहीच करू शकत नाही काय ? खरे तर कोणतीही व्यक्ती दुसऱ्या व्यक्तीसारखी नसते. प्रत्येक व्यक्तीची स्वतःची अशी खासियत असते. एखाद्याला नृत्य आवडते. एखादयाला गायला आवडते. एखाद्याला दुसऱ्याला मदत करायला आवडते. तर कोणाला त्यांतील घडामोडींशी दोस्ती करणे आवडते. आपल्यातला असा वैशिष्ट्यपूर्ण गुण कोणता आहे, हे आपण शोधले पाहिजे. या गुणाची जोपासना केली पाहिजे. त्यात कुणाला मुक्त वाव दिला पाहिजे. मग आपल्या हातून आपोआपच लोकोत्तर कामगिरी पार पडेल. अरुणिमाने नेमके हेच केले. खरेतर अपंग बनलेली अरुणिमा आयुष्यात काहीच करू शकली नसती. पण तिने जिद्दीने स्वत:मधला वेगळा गुण ओळखला. स्वतःचे सामर्थ्य शोधले आणि अशक्य वाटणारी कामगिरी पार पाडली. प्रत्येक व्यक्तीमध्ये अशी अरुणिमा असतेच. फक्त त्या अरुणिमाचा आपण शोध घेतला पाहिजे. जीवनाचा हाच महामंत्र आहे.

-------------------------------------------------------

(२) तुमच्या मनातील एव्हरेस्ट शोधा आणि शब्दबद्ध करा.

उत्तर : आपण दिवसभर कोणती ना कोणती कृती करीत असतो. त्या वेळी आपल्या मनात कोणता तरी हेतू असतो. हेतूशिवाय कोणतीही कृती अशक्य असते. आपला हेतू म्हणजेच आपले ध्येय होय. जे ध्येय उराशी बाळगलेले असते, त्याला अनुसरूनच आपण वागत असतो. प्रत्येक कृती करताना आपल्याला आपले ध्येय स्पष्टपणे लक्षात असेलच असे नाही. तरीही आपण आपल्या त्या ध्येयानुसारच कृती करीत असतो, हे नक्की. खूप पैसे मिळवणे हे ज्याचे आयुष्यातले सर्वोच्च ध्येय असते, तो माणूस सतत पैसे मिळवण्याचाच विचार करीत राहील. कळत-नकळत सतत पैसे मिळवून देण्याच्या कृतीकडेच ओढला जाईल. म्हणजे आपले आपल्या मनातले ध्येयच खूप महत्त्वाचे असते. तेच आपल्या जीवनाची दिशा ठरवीत असते. म्हणून आपण आपले ध्येय निश्चित केले पाहिजे. ते नीट समजून घेतले पाहिजे. पर्वतांमध्ये एव्हरेस्ट जसा सर्वांत जास्त उंच आहे, तसेच आपले ध्येय आयुष्यातील सर्वांत जास्त उंच, सर्वांत जास्त महत्त्वाची गोष्ट आहे. ती गोष्ट आपल्या मनातील एव्हरेस्टच होय. या एव्हरेस्टचा आपण शोध घेतला पाहिजे. तो सर करण्याचा प्रयत्न केला पाहिजे.

-----------------------------------------------------------------